importance of exercise in life essay in marathi

HealthMarathi

Feel better, live healthier.

नियमित व्यायामाचे फायदे, महत्त्व आणि व्यायाम प्रकार

Share this:

• Click to share on WhatsApp (Opens in new window)
• Click to share on Facebook (Opens in new window)
• Click to share on Twitter (Opens in new window)

नियमित व्यायामाचे महत्त्व (Exercise importance) :

व्यायामामुळे शारीरिक हालचाल होते. त्यामुळे स्नायू मजबूत, लवचिक बनतात. व्यायाम हा शारीरिक तसेच मानसिक आरोग्यासाठीही खूप फायदेशीर असतो. व्यायामामुळे शारीरीक कष्ट करण्याची क्षमता अर्थात स्टॅमिना वाढतो. तुम्ही जर चार्जिग केलं नाही तर तुमचा मोबाइल फोन चालेल का? अगदी तसेच शरीराला, मनाला, डोक्याला रीचार्ज करण्यासाठी कमीत कमी दररोज 30 मिनिटांचा व्यायाम आवश्यक आहे. त्यामुळे प्रत्येकाच्या जीवनामध्ये नियमित व्यायामाचे महत्त्व खूप असते.

Table of Contents

व्यायाम म्हणजे काय..?

शरीराला स्थिरता प्राप्त करण्यासाठी, शरीर मजबुत बनवण्यासाठी, बल वाढवण्यासाठी केल्या जाणाऱ्या क्रियेस व्यायाम असे म्हणतात. मैदानी खेळ, चालणे, धावणे, पोहणे, सायकलिंग, दोरीउड्या, जोरबैठका, वजन उचलणे, पुशअप्स, पायऱ्या चढणे-उतरणे, स्ट्रेचिंग, डान्सिंग, योगासने अशा विविध शारीरिक क्रियांचा व्यायामात समावेश होतो.

बदलत्या जीवनशैलीत व्यायामाचे महत्व :

आजच्या स्पर्धेच्या व धावपळीच्या जीवनात सर्वच वयोगटातील लोकांचे व्यायामाकडे दुर्लक्ष होत आहे. त्यामुळे कमी वयातच आरोग्याच्या अनेक समस्या उभ्या राहत आहेत. अभ्यासाच्या ताणातून मुले मैदानी खेळ व व्यायामापासून दुरावली आहेत. तर तरुण वयातील व्यक्तींना करिअर आणि कामाच्या व्यापातून रोजच्या व्यायामाला वेळ देता येत नाही.

अशा बदलत्या जीवनशैलीत व्यायामाकडे दुर्लक्ष झाल्यामुळे लठ्ठपणा , हृदयविकार , उच्च रक्तदाब , डायबेटीस , पक्षाघात , सांधेदुखी , गुडघेदुखी , मानसिक तणाव यासारख्या अनेक गंभीर आजारांचे प्रमाण अतिशय वाढलेले आहे. पैसा व सुख वस्तूंच्या हव्यासापोटी व्यायामाकडे दुर्लक्ष करून आपण आपले बहुमूल्य असे ‘आरोग्य’ धोक्यात घालत आहोत. त्यामुळे वेळीच सावध होऊन प्रत्येकाने आपापल्या कामातून दररोज थोडा वेळ काढून व्यायाम करणे अत्यंत गरजेचे आहे.

निरोगी आरोग्यासाठी व्यायामाचे महत्त्व :

कोणताही आजार निर्माण झाल्यावर, त्यावर उपचार करीत बसण्यापेक्षा मुळात आजारच होऊ नये यासाठी प्रयत्न करणे हे सर्वात चांगले असते. यासाठी निरोगी आरोग्यासाठी नियमित व्यायाम करणे उपयुक्त असते. कारण रोजच्या व्यायामामुळे वजन आटोक्यात राहते, शरीरातील रक्तप्रवाह सुधारतो, रक्तदाब – ब्लड शुगर आणि रक्तातील कोलेस्टेरॉल नियंत्रित राहतो, तसेच मानसिक ताण दूर होण्यास व्यायामाने मदत होते. पर्यायाने लठ्ठपणा, हृदयविकार, उच्च रक्तदाब, डायबेटीस, पक्षाघात, सांधेदुखी, गुडघेदुखी, मानसिक तणाव यासारख्या अनेक गंभीर आजारांपासून नियमित व्यायाम केल्याने दूर राहता येते. अशाप्रकारे निरोगी आरोग्यासाठी व्यायामाचे खूप महत्त्व आहे.

नियमित व्यायामाचे फायदे –

• व्यायामामुळे शरीर निरोगी आणि बांधेसूद बनते.
• रोज व्यायाम करण्यामुळे शरीरावर खूप चांगले परिणाम होतात.
• ‎रोजच्या व्यायामामुळे स्नायूंची (मसल्सची) शक्ती, लवचिकता वाढते. मसल्स मजबूत बनतात. हाडे मजबूत व बळकट होतात. त्यामुळे भविष्यात हाडे पोकळ होण्याचा ऑस्टियोपोरोसिस हा आजार टाळण्यास मदत होते.
• नियमित व्यायामाने सांध्यांची हलाचाल योग्यरीत्या होते. त्यामुळे संधिवात, गुडघेदुखी यासारखे आजार होण्याचा धोका कमी होतो.
• ‎शरीरातील चरबीचे प्रमाण नियंत्रित राहते.
• ‎शरीराच्या चयापचयाच्या गतीमध्ये सुधारणा होते.
• ‎हृदय आणि फुफ्फुसांची कार्यक्षमता वाढते. पर्यायाने स्टॅमिना वाढतो.
• व्यायामामुळे ‎शरीर मजबूत होते, बलाची वाढ होते पर्यायाने रोग प्रतिकारक शक्तीमध्ये वाढ होते.
• ‎रक्तवाहिन्यांची लवचिकता वाढते.
• ‎नियमित व्यायामाने कोलेस्टेरॉल कमी होते.
• ‎मानसिक तणाव कमी होतो. मन ताजेतवाने, प्रसन्न बनते. व्यायामामुळे तुमचा मूड सुधारतो आणि नैराश्य, चिंता आणि ताणतणाव कमी होतो.
• ‎व्यायामामुळे मेंदूचे आरोग्य सुधारते तसेच स्मरणशक्तीही वाढते.
• ‎व्यायामामुळे आळस नाहीसा होतो.
• ‎झोप व्यवस्थित लागते.
• ‎कार्य करण्याची स्फुर्ती मिळते, आत्मविश्वास वाढतो.
• ‎उच्च रक्तदाब, मधुमेह, हृदयविकार, लठ्ठपणा या सर्व विकारांपासून दूर राहण्यास व्यायामामुळे मदत होते.

व्यायामाचे प्रकार (Exercise types) :

व्यायामाचे एकूण चार प्रकार आहेत. व्यायाम करण्याचे एरोबिक व्यायाम, अॅनेरोबिक व्यायाम, स्ट्रेचिंग व्यायाम आणि समतोल व्यायाम असे चार प्रकार असतात. या चार प्रकारात मैदानी खेळ, चालणे, धावणे, पोहणे, सायकलिंग , दोरीउड्या, जोरबैठका, वजन उचलणे, पुशअप्स, पायऱ्या चढणे-उतरणे, स्ट्रेचिंग, डान्सिंग, योगासने अशा विविध व्यायामांचा समावेश होतो.

(1) एरोबिक व्यायाम (Aerobic exercise) –

हृदयाची, फुफुसांची आणि स्नायूंची गती आणि शक्ती वाढवणाऱ्या व्यायामाला एरोबिक व्यायाम म्हणतात. एरोबिक व्यायामामुळे हृदय व रक्तवाहिन्यासंबंधी प्रणालीला चालना मिळते आणि फुफ्फुसांचे आरोग्य सुधारते. चालण्याचा व्यायाम, सायकल चालवणे, पोहणे, दोरीउड्या, जॉगिंग, ग्रुप अॅक्टिव्हिटी जसे झुम्बा एरोबिक्स, पॉवर योगा हे एरोबिक व्यायाम आहेत.

या प्रकारच्या व्यायामामुळे हृदय व रक्तवाहिन्यासंबंधी रोग, टाइप-2 मधुमेह आणि उच्च रक्तदाब, पक्षाघात यासारखे आजार होण्याचा धोका कमी होतो. अशा व्यायामामध्ये हृदयाचे ठोके आणि श्वासाचे प्रमाण 20 ते 30 टक्क्यांनी वाढले पाहिजे आणि हा व्यायाम दररोज 20 ते 30 मिनीटे करायला हवा. अशा व्यायामामुळे शरीराची कार्यक्षमता वाढते, म्हणजेच न थकता काम करता येण्याची शक्ती म्हणजेचं स्टॅमिना वाढतो. हा व्यायाम हृदयविकार असलेल्या व्यक्तींही डॉक्टरच्या सल्ल्याने करू शकतात.

(2) अॅनेरोबिक व्यायाम (Anaerobic or Strength exercise) –

ताकद म्हणजे कुठलीही क्रिया करण्याची शक्ती. ताकद वाढण्यासाठीच्या व्यायामाला अॅनेरोबिक व्यायाम असे म्हणतात. या प्रकारांमध्ये जलदरित्या हालचाली कमी वेळात कराव्या लागतात. ह्यात वजन उचलणे, जोर बैठका, पुश-अप, वेगाने धावणे आदी प्रकारांचा समावेश असतो.

अशा प्रकारच्या व्यायामामुळे कमी वेळात जास्त ऊर्जा (कॅलरीज) वापरली जाते. ह्या प्रकारच्या व्यायामामुळे मांसपेशी (मसल्स) मजबूत व पिळदार होतात. या प्रकारच्या व्यायामात कॅलरीज अधिक जळतात त्यामुळे वजन कमी होण्यासाठी मदत होते. हा व्यायामप्रकार हृदयविकार असलेल्या व्यक्तींनी करू नये.

(3) स्ट्रेचिंग व्यायाम (Flexibility or Stretching exercise) –

स्ट्रेचिंगमुळे लवचिकता राखण्यास मदत होते. स्ट्रेचिंगमध्ये स्नायूंना विशिष्ट असा ताण दिला जातो. यामुळे मांसपेशी लवचिक व मजबूत होतात. स्ट्रेचिंग हा वर्कआउटचा एक महत्वाचा असा भाग आहे. मात्र अनेकजण स्ट्रेचिंग करणे टाळतात. मात्र व्यायामानंतर स्नायूंना ताण देऊन स्ट्रेचिंग व्यायाम करणे आवश्यक आहे.

तरुणपणात जेव्हा आपले स्नायू निरोगी असतात तेव्हा आपण स्ट्रेचिंगकडे दुर्लक्ष केल्यास वय वाढल्यावर स्नायूमधील लवचिकता कमी होते. त्यामुळे स्नायू कडक होतात आणि योग्यरित्या कार्य करत नाहीत. त्यामुळे मग स्नायूत पेटके येणे आणि त्याठिकाणी दुखणे, स्नायूंच्या दुखापती वाढणे, सांधेदुखी आणि पडणे यांचा धोका वाढतो.

(4) समतोल व्यायाम (Balance exercise) –

या व्यायाम प्रकारात एका स्थितीत काहीवेळ राहून शरीराचा समतोल साधला जातो. योगासने ही या प्रकारच्या व्यायामात येतात. योगासनांचा नियमित सराव केल्याने शारीरिक हालचालींना उपयोगी पडणारे स्नायू (मसल्स) सक्षम होतात. तसेच योगासने, प्राणायाम आणि ध्यान धारणा ही सर्व मानसिक ताणतणाव नाहीसा करण्यासही उपयुक्त ठरतात.

हे सुद्धा वाचा – व्यायाम करताना काय काळजी घ्यावी याविषयी माहिती जाणून घ्या.

व्यायाम आणि कॅलरीज –

आपल्या शरीराला कार्य करण्यासाठी ऊर्जेची गरज असते. ऊर्जा आपणास आहारातून मिळत असते. त्या ऊर्जेला कॅलरीज असे म्हणतात. या ऊर्जेमुळेचं शरीरातील विविध अवयव कार्य करीत असतात. शरीर आपणास आवश्यक आहे तेवढ्याचं कॅलरीज वापरत असते.

त्यामुळे आपल्या शरीरातील अतिरिक्त उरलेल्या कॅलरीज कमी करण्याची आवश्यकता असते. कारण ह्या साठलेल्या कॅलरीजचे रूपांतर चरबीत होत असते. त्यामुळे लठ्ठपणाच्या समस्या निर्माण होतात. यासाठी ह्या अतिरिक्त कॅलरीज कमी कराव्या लागतात. आणि ह्या अतिरिक्त कॅलरीज कमी करण्याचा एकमेव पर्याय म्हणजे ‘व्यायाम करणे’ हाच आहे. व्यायाम केल्याने त्या अतिरिक्त कॅलरीज कमी होतात.

चिप्सच्या एका पाकीटातून साधारण 160 कॅलरीज मिळतात, चॉकलेटच्या एका लहान तुकड्यातून 30 कॅलरीज मिळतात. एका चॉकलेटमधून साधारण 300 कॅलरीज मिळतात. आणि 300 कॅलरीज बर्न करायच्या असल्यास 50 मिनिटे चालावे लागते! म्हणूनच कॅलरीज खाणे सोपे असते मात्र कॅलरीज कमी करणे हे खूप अवघड आहे, असे म्हणतात. कॅलरीज कमी करण्यासाठी घाम गाळावा लागतो, व्यायाम करावा लागतो. म्हणून व्यायामाचे महत्त्व खूप असते.

अर्धा तासाचा व्यायाम आणि बर्न होणारी कॅलरी :

• अर्धा तास चालणे – 200 कॅलरी
• ‎अर्धा तास सायकलिंग – 330 कॅलरी
• ‎एरोबिक व्यायाम – 260 कॅलरी
• ‎मैदानी खेळ – 250 कॅलरी
• ‎पोहण्याचा व्यायाम – 280 कॅलरी

महत्त्वाचे व्यायाम प्रकार – 1) चालण्याचा व्यायाम 2) सायकलिंग

Read Marathi language article about Exercise benefits and types. Last Medically Reviewed By Dr. Satish Upalkar on March 10, 2024.

Dr. Satish Upalkar

Dr. Satish Upalkar, obtained his bachelor’s degree in medicine and surgery from Maharashtra University of Health Sciences, Nashik, India in 2010. He is also a member of the Medical Council of Indian Medicine, Mumbai. He is working as a General Physician and Healthcare Consultant. Since 2012, he has had extensive experience in writing on various medical topics for the general public. After medical graduation, he has also completed diploma in diet and nutrition as well as yoga.

Marathi Grammar

संपुर्ण मराठी व्याकरण अभ्यास

Importance of Exercise In Marathi | व्यायामाचे महत्व निबंध

मित्रानो , या पोस्ट मध्ये व्यायामाचे महत्व निबंध| Importance of Exercise In Marathi मराठी निबंध लेखन / व्यायामाचे महत्व निबंध 100 ते 400 शब्दात निबंध लेखन करणार आहोत . हा निबंध 7 वी ते 12 वी  च्या विद्यार्थ्याना परीक्षेत   वैचारिक निबंध  म्हणून विचारला  जातो त्यामुळे निबंध नीट वाचा.  आज आपण व्यायामाचे महत्व निबंध  या विषयावर निबंध बघणार आहोत.

|| व्यायाम आरोग्यदायी मित्र ध्यानी ठेवावे हे सूत्र || ||आळस वैरी मानिला सर्वत्र |सर्वतोपरी ||

राष्ट्रसंत श्री तुकडोजी महाराज यांनी आपल्यासारखे सामान्य माणसांना आपल्या जीवनातील व्यायामाचे महत्त्व साध्या, सरळ भाषेत समजावून सांगितले आहे. ते म्हणतात की, व्यायाम हा आपल्याला सुखाचे आयुष्य देणारा आरोग्यदायी मित्र आहे . हे सुत्र आपण लक्षात ठेवणे खूप गरजेचे आहे , व्यायामामुळे आपल्या शरीरात अनेक चांगले आणि सकारात्मक बदल होतात. त्याचप्रमाणे व्यायामाअभावी खुपसे दुष्परिणामही सहन करावे लागतात.

कोणाच्याही घरात असे घडले असते, तर कोणीही हादरलाच असता, आमच्या गावातल्या एका मुलीच्या असेच झाले. तिच्या घरचे लोक तर हादरलेच, पण गावातले लोकही खूप हळहळले, तिचे नाव सुमन, अत्यंत मान गावालाच तिचे खूप कौतुक. स्वतः च्या हुशारीच्या बळावर तिला मुंबईच्या वैद्यकीय महाविदयालयात प्रवेश मिळाल पण जवळजवळ एका महिन्यांनंतर एकदा ती जी घरी आली, ती पुन्हा महाविदयालयात न जाण्याच्या निश्चयानेच

सगळ्यांना धक्काच बसला. वैदयकीय शाखेत तासन्तास सलग अभ्यास करावा लागतो. कित्येकदा प्रयोगशा तासन्तास उभे राहून काम करावे लागते. तिच्या शरीराला हा ताण झेपेना. काही वेळा तिला चक्कर यायची. आयुष्यात भरारी घ्यायच्या वेळीच तिची शारीरिक क्षमताच अपुरी ठरली. केवढे दुर्दैव है! सर्व काही अनुकूल असूनही केवळ शारीरिक क्षमता अपुरी पडल्याने आयुष्यातली फार मोठी संधी हुकली! शरीर धडधाकट नसणे किती महागात पडले पाहा! या घटनेनंतर आमच्या जिल्हयातल्या सर्व शाळा-महाविद्यालयांमध्ये ‘शरीर धडधाकट ठेवा’, ‘व्यायाम करा’ अशा संदेशांचा धडाका सुरू झाला. खास व्याख्याने आयोजित केली जाऊ लागली. आम्हां मुलांमध्येही व्यायामाबाबत चर्चा झडू लागल्या.

व्यायाम ही खरे तर अतिमहत्त्वाची व अत्यावश्यक बाब; पण तीच सर्वांची नावडती झालीय. आपले शरीर भोवतालच्या वातावरणात वावरत असते. ऊन, वारा, पाऊस अंगावर झेलत असते, वातावरणातील अब्जावधी सूक्ष्म जंतू शरीरावर आदळत असतात; शरीरात शिरतही असतात. त्यातही पुन्हा आजारपण येते. अपघात होतात. या सगळ्याला तो देऊन टिकून राहण्यासाठी शरीर दणकट असणे आवश्यक असते. प्रदूषणाचाही शरीरावर आघात होत असतोच, आपल्याला कामानिमित्त किंवा शिक्षणानिमित्त दूरवर प्रवास करावा लागतो. कित्येकांना रोज खूप चालावे लागते. ओझी उचलावी लागतात. काहींना जागरणे करावी लागतात. या सगळ्यामुळे शरीराला कष्ट पडतात. हे कष्ट समर्थपणे उचलण्यासाठी शरीर ताकदवान हवे. शरीर जितके बळकट तितके ते परिस्थितीला चांगले लॉड देऊ शकते. आपण प्रतिकूलतेवर मात केली, तर आपली कामे यशस्वीरीत्या पार पाडता येतील. आपल्याला आनंदाने जगता येईल. व्यायामानेच आपण शरीराला बळकट करू शकतो, म्हणजेच व्यायाम हा आपल्या सुखाचा आधार आहे.

अपघात, आजार, दारिद्र्य, प्रदूषण , उतारवय किंवा आपल्या सवयी अशा वेगवेगळ्या कारणांनी आपले शरीर दुबळे बनते. त्यामुळे आपल्या कार्यक्षमतेचा नाश होतो. व्यक्तीकडून कमी काम केले जाते. साहजिकच तिचे उत्पन्न बुडते. तिच नुकसान होते. तिच्याबरोबर राष्ट्राचेही नुकसान होते. उत्पन्न कमी झाल्यामुळे आहार, आरोग्य ढासळते. त्यामुळे शरीर आणखी दुबळे बनते. कार्यक्षमता कमी होते. म्हणून उत्पन्न कमी होते. असे हे दुष्टचक्र चालू होते आणि फक्त दुःखच वाट्याला येते.

ही दुबळी माणसे आपलीच असतात. त्यांना आपण दूर ढकलू शकत नाही. त्यांचा सांभाळ करावाच लागतो. देश अशांच्या पालनपोषणाची सोय करतो. हॉस्पिटले, दवाखाने आदींची निर्मिती करतो. म्हणजे उत्पादन कमी व खर्च जास्त अशी वेळ येते. हे टाळण्यासाठी सगळ्यांनी स्वतःचे शरीर धडधाकट ठेवले पाहिजे. व्यायाम केला पाहिजे.

पूर्वीची जीवनपद्धत वेगळी होती. पूर्वी यांत्रिकीकरण नव्हते किंवा असलेच तर खूपच कमी होते. सर्व कामे श्रमावर आधारलेली होती. अनेकदा लहानसहान कामेही दूर दूर चालत जाऊन करावी लागत. कोणतेही काम कष्टाशिवाय करणे शक्य नसे. त्यामुळे शरीर आपोआपच बळकट राही. आता उलट स्थिती आहे. आता खूप साधने, उपकरणे उपलब्ध आहेत. अनेक कामे या उपकरणांनीच पार पाडतात. त्यामुळे खूपच कमी श्रम खर्च करावे लागतात. सुबत्ता आली आहे; पण शारीरिक कष्ट कमी झाले. म्हणून शरीर धडधाकट राहिलेले नाही. त्यामुळे जीवनातला आनंदही सहजगत्या उपभोगता येत नाही.

आनंद उपभोगण्यासाठी कृत्रिमता आली आहे. सुबत्ता आहे, पण सुखे नाहीत अशी लक्षणविचित्र प्राप्त झाली आहे यातून बाहेर पडण्यासाठी शरीर धडधाकट हवे व्यायाम केला पाहिजे.

दुबळ्या शरीरामुळे जीवनातील आनंद उपभोगता येत नाही, मन थकलेले राहते दिवसच्या दिवसा मनात नैराश्य दाटून येते, उत्साह कमी होतो. आनंद घेण्यातही उत्साह राहत नाही संपूर्ण आयुष्यच निराशाजनक कंटाळवाणे बनून जाते. ही स्थिती भयानक असते म्हणून शरीर सुद्ध हवे शरीर सुदृढ ठेवण्याचा महत्त्वाचा मार्ग म्हणजे व्यायाम होय.

व्यायामाचे महत्व आणि फायदे 

व्यायामाचे महत्व :.

व्यायामाचे जीवनातील महत्व अत्यंत महत्त्वाचे आहे. विविध प्रकारे व्यायाम आपल्या शरीरसाठी चांगल्या प्रकारे उपयोगी पडतो . व्यायाम केल्याने आपल्याला भरपूर फायदा होतो .विविध समाज सुधारक आणि विविध विचारवंतांनी आपल्या विचारातून समाजाला व्यायामाचे जीवनातील महत्त्व पटवून देण्याचा वारंवार प्रयत्न केलेला आहे. आपल्या विचारांमध्ये व्यायामाचे महत्व पटवून देत त्यांनी सांगितले आहे की आळस हा माणसाचा सर्वांत मोठा शत्रू आहे, व व्यायाम हा तुमचे संरक्षण करणारा व तुमच्या आयुष्य वाढवणारा मित्र आहे.

शारीरिक स्वास्थ्य :   व्यायाम शारीरिक स्वास्थ्याच्या महत्त्वाच्या अंशामध्ये एक आहे. योग्य व्यायाम केल्यास, तुमचे दिल, प्रक्षिपाती प्रणाली, तंतुजनन शक्ती, अस्थिपाचन प्रणाली, आणि सार्वजनिक शारीरिक सामर्थ्य मजबूत होते.

मानसिक स्वास्थ्य :  व्यायाम मानसिक स्वास्थ्याच्या दृष्टीकोनातूनही महत्त्वपूर्ण आहे. नियमित व्यायाम करण्यातून तुमच्या आत्मविश्वासाचा वाढ झाला आणि तुमच्या मानसिक स्थितीला सुधारलं.

वजन प्रबंधन :  व्यायाम वजन प्रबंधनासाठी महत्त्वाचे आहे. तुम्ही वजन कमी किंवा वाढीवर नियंत्रण ठेवू शकता.

स्थैर्य :  नियमित व्यायामाच्या कार्यक्रमाच्या अभ्यासाच्या माध्यमातून, तुम्ही तुमच्या शारीरिक आणि मानसिक स्थैर्याची वाढ देऊ शकता.

रोग नियंत्रण :   व्यायामाच्या कार्यक्रमाच्या अभ्यासाच्या माध्यमातून, तुम्ही काही गंभीर आजारांच्या जोखमात घेऊ शकता. तुम्ही मधुमेह, हार्ट रोग, उच्च रक्तदाब, आणि अनेक इतर स्वास्थ्य समस्यांच्या जोखमात घेऊ शकता.

जीवनशैली  : नियमित व्यायाम केल्याने तुम्हाला स्वस्थ, ऊर्जावान, आणि सशक्त जीवनशैली जगायला मदतीला आहे.

सामाजिक संबंध :  व्यायाम केल्यास, तुम्ही सामाजिक संबंधांमध्ये सहभागी व्हायला मदतीला आहे. तुमच्या फिटनेस अभ्यासाने तुमच्या साथींच्या आणि कुटुंबाच्या सदस्यांच्या साथीत्याने आणि आवश्यकतांमुळे सहभागिता वाढविली जाते.

व्यायामाचे फायदे :

व्यायामाचे अनेक असे फायदे आहेत , जर आपण सकाळी उठून लवकर बाहेर फिरायला गेलो तर आपल्या शरीराला मोठ्या प्रमाणात ऑक्सिजनचा पुरवठा होतो.याव्यतिरिक्त पायी चालल्यामुळे आपल्या क्षेत्रातील रक्ताभिसरण योग्य रीतीने होते व पायातील मांसपेशी अधिक बळकट होते.

त्यामुळे मानवाचे शरीर अधिक बळकट बनते आणि लवचिक सुद्धा बनते नियमित व्यायामामुळे  मानवाचा मेरुदंड अधिक लवचिक होतो त्यामुळे आपल्या शरीरामध्ये एक वेगळीच स्फूर्ती निर्माण होते.

व्यायामाचे पुष्कळसे प्रकार आहे यामध्ये चालणे फिरणे योगासने, मोठ्याने असणे नाचणे, जिम करणे इत्यादी प्रकार असतात.व्यायामाचे प्रकारांमध्ये सर्वोत्तम आसान सूर्यनमस्कार आहे.या एका व्यायामामुळे आपल्या प्रत्येक अवयवाची योग्य रीतीने हालचाल होते.

अशा प्रकारे व्यायामाचे अनन्यसाधारण असे महत्त्व आहे.जगामध्ये व्यायामाची जनजागृती होण्याकरिता आणि व्यायामाचे फायदे अधिकाअधिक लोकांपर्यंत पोहोचवण्या करिता 21 जून हा आंतरराष्ट्रीय योग दिवस म्हणून दरवर्षी साजरा केला जातो.

जगामधील मानवाजवळील सर्वात मौल्यवान अशी कोणती गोष्ट असेल तर ती म्हणजे त्याचे आरोग्य होय. म्हणून इंग्रजी मध्ये Health is wealth म्हणजेच आरोग्य हीच खरी संपत्ती आहे   ही प्रसिद्ध म्हण आहे.आजच्या तंत्रज्ञानाच्या युगात जगामध्ये प्रत्येकांना कोणत्या ना कोणत्या प्रकारच्या आरोग्याच्या समस्या असतातच.

या समस्येचे निराकरण करण्यासाठी अनेकांना व्यायाम हा उपाय सांगितला जातो. भारतामध्ये व्यायामाला प्राचीन काळापासूनच खूप महत्त्व आहे.सकाळी सर्व जण ऋषीमुनी आपल्या कुटीमध्ये आणि विद्यार्थी आपल्या गुरुंच्या आश्रमात जाऊन नियमित व्यायाम करीत असे, म्हणून त्यांना कोणत्याही प्रकारच्या आरोग्याच्या समस्या किंवा रोग होत नसे.

व्यायामाचे महत्व निबंध विडिओ माध्यमातून  

Video Credit : पथिक  Youtube Channel

वरील निबंध खालील विषयावर देखील लिहू शकता 

व्यायामाचे महत्व आणि फायदे | Vyayamache Mahatva ani Fayade

व्यायामाचे महत्व मराठी निबंध | vyayamache mahatva marathi nibandh , व्यायामाचे महत्व निबंध |importance of exercise in marathi.

आमच्या इतर निबंध पोस्ट :

सूर्य उगवला नाही तर निबंध । Surya Ugavala Nahi Tar Essay In Marathi

परीक्षा नसत्या तर निबंध । Pariksha Nasatya Tar Essay In Marathi 

मी आमदार झालो तर निबंध। Mi Amadar Jhalo Tar Essay in Marathi

माझा आदर्श समाजसुधारक। डॉ. विकास आमटे निबंध

1 ) व्यायामाचे महत्व निबंध   हा मराठी निबंध class १, २, ३, ४, ५, ६, ७, ८, ९ आणि १0 वी व ११ वी १२ वी ची मुले आपल्या अभ्यासा साठी वापरू शकतात.

2 ) इयत्ता ७ वी ते १२ वी च्या विदयार्थ्याने आवश्य वाचावे .

मित्रांनो या निबंध मध्ये तुमचे काही स्वतःचे विचार किंवा कल्पना असेल किंवा काही सुचवायचे असेल काही बदल हवा असेल किंवा काही चुकी असेल तर ते आम्हाला निदर्शनास आणून द्या. याकरता तुमची   कॉमेंट   महत्त्वाची आहे तुमचा अभिप्राय आम्हाला  नवनवीन विषय लेखनास प्रोत्साहन देतो.

Share this:

• Click to share on Twitter (Opens in new window)
• Click to share on Facebook (Opens in new window)
• Click to share on Telegram (Opens in new window)
• Click to share on WhatsApp (Opens in new window)
• Click to email a link to a friend (Opens in new window)

1 thought on “Importance of Exercise In Marathi | व्यायामाचे महत्व निबंध”

Please Share A Post On Types Of Yoga Poses And Meditation Exercises

Leave a Comment Cancel reply

Save my name, email, and website in this browser for the next time I comment.

निरोगी जीवन

Vyayamache Mahatva | व्यायामाचे जीवनातील महत्त्व आणि फायदे

आजकालच्या धकाधकीच्या जीवनात सतत कामाची चिंता, नात्यातील दुरावा, आजारपण आणि इनफेक्शनची भीती आणि नैराश्य वाढताना दिसत आहे. याचं मुख्य कारण बैठ्या जीवनशैलीमुळे माणसाची शारीरिक हालचाल कमी झाली आणि त्यामुळे त्याचे आरोग्य बिघडले. शरीराचा आणि मनाचा एकमेकांवर परिणाम होत असल्यामुळे हळू हळू माणसाचे मानसिक स्वास्थ कमी झाले. यावर सोपा उपाय म्हणजे कितीही काम असलं तरी व्यायामासाठी नियमित वेळ काढायला हवा. कारण व्यायामामुळे तुमचे शारीरिक आरोग्य तर सुदृढ राहतेच शिवाय मानसिक शांतताही मिळते. व्यायामाचे तुमच्या शरीरावर, मनावर, हॉर्मोन्सवर चांगले परिणाम होतात. निरोगी राहण्यासाठी, मानसिक शांतता मिळण्यासाठी, वैवाहिक जीवन सुखी राहण्यासाठी, सतत उत्साही राहण्यासाठी व्यायाम करणे फायद्याचे ठरते. यासाठीच जाणून घ्या व्यायामाचे जीवनातील महत्त्व (Importance Of Exercise In Marathi).

Table of Contents

Vyayamache prakar | व्यायामाचे प्रकार, व्यायामाचे जीवनातील महत्त्व आणि काही निवडक प्रश्न – faq’s.

Connect with us

© 2024 THE GOOD GLAMM GROUP